بتلعب؟
ما منبيع مونوبولي، بس رح نبيعك شي أحلى
نردك هو أول متجر بوردغيم بسوريا، هدفنا نخليك تصرف مصاريك على ألعاب تخليك مبسوط.
ألعاب تبلش فيها
إذا كنت جديد عالبوردغيم فهي الألعاب أحسن طريقة لتبلش
ألعاب استراتيجية
ألعاب بتعتمد على الذكاء والتخطيط لتقدر تفوز
ألعاب تعاونية
جيب شريك وتعاونو لتفوزو سوا أو تخسرو سوا
ألعاب حفلات
خود هي الألعاب على أي سهرة ورح تكون نجمها
ألعاب عائلية
ألعاب مناسبة لعيلتك، وولاد عمك، وولاد أختكمن الشام لكل سوريا!
إذا إنت بالشام أمورك تمام. إذا إنت برا الشام كمان أمورك تمام.
منوصلك لأي مكان إنت موجود فيه طالما في شركة شحن بتوصل لعندك.
مابتعرف شو تلعب؟
احكي معنا، وخبرنا عن رفقاتك أو عيلتك، و رح نرشّحلك الألعاب اللي بتخليكم تضحكوا، تتحدّوا بعض، وترجعو لعنا
الكافيه عليك والألعاب علينا
منعرف قديه تنظيم الألعاب بالكافيهات والمراكز بيحتاج خبرة (وأحيانًا طاقة خارقة).
نحنا جاهزين نأمنلك الألعاب، نبعتلك ماستر محترف، ونتأكد إنو ماحدا من زباينك رح يطلب يلعب شدة بعد اليوم.
بنجاوب على كل أسئلتك
اختلفتوا على قاعدة؟ اللعبة عندك ناقصة قطعة؟
ولا مو متأكد إذا اللعبة بتناسب عمر أولادك ؟
ولا يهمك — نحنا هون لنشرح، نصلّح، ونحكم بينكم بعدل (إذا رايقين بس).
إنت برا البلد وبدك تهدي حدا شي غير عطر أو كتاب؟
ولا أسهل من هيك! نحنا بنهتم بالتغليف، بالتوصيل، وإنت بس عليك تدفع!
حابب تجرب قبل ما تلعب؟
نحنا منظم سهرات ألعاب بالتعاون من فريق BGK ،
بتتعرف فيها على ألعاب جديدة وناس بحبو البوردغيم متلك يا حلو.
أسئلة صرعتونا فيها
هي أسئلة جاوبنا عليها حتى قبل ما تسألها
رح تلاقي عنا كل الأنواع اللي ممكن تخطر عبالك بدءاً من الألعاب البسيطة اللي بتاخد ربع ساعة ومخ بطة لتستوعبها، وحتى الألعاب الاستراتيجية اللي رح تخلي مخك يعضل.
متأكد مو موجودة؟ إذا عنجد مو موجودة ساعتها بعتلنا ورح نأمنلك ياها على نافوخنا
منقبل الحوالات المالية طريق شركة الهرم أو أي شركة تانية بسوريا، أو حتى تحويل بنكي داخلي، لك حتى ممكن نقبل منك دفع عند التسليم. إنت اعتمد وما تهكل هم
فيك تستلمها من مراكزنا بالشام أو جرمانا. فيك تستلمها من بي أوردر. فيك تستلمها من الهرم. لك حتى منجي لعندك برجلينا كرمال تلعب (وتدفع).